Pontika auzoan San Markoren omenezko jaiak ospatzen ari dira. Asteazkenean amaituko dira, San Marko egunean.
Larunbatean egin zuten Erromeria San Markoren omenez Bizarain mendian. Argazkia: Carrera
Asteazkenean izango da San Markos Eguna, baina hura ospatzeko erromeria egin zuten larunbatean Bizarain mendian. Egun osoko egitaraua prestatu zuten horretarako, musika, tailerrak, eta jateko zein edatekoak ere ez ziren falta. Eguraldiak ere ez zuen kale egin, eta gogotik berotu zuen erromeria giro paregabean gozatzeko.
San Marko dute patroi Pontika auzoan eta haren omenezko jaiak ospatzen dituzte. Bete-betean dago auzoa jaietan murgilduta eta asteburuan izan bada ere egitarauaren mamitsuena, oraindik ere bada zer gozatu asteazkenera arte, San Marko egunean amaituko baitira.
Egitaraua
Gaur, astelehena
- 17:00: Puzgarriak.
- 17:30: Buruhandien lehen irteera.
- 18:00: Eskulan tailerra.
- 20:00: Buruhandiak.
Bihar, asteartea
- 17:30: Apar festa.
- 19:30: Txokolate jatea.
- 20:00: Buruhandiak.
Etzi, asteazkena
- 12:00: Meza eta kanpai dangada auzoko patroi eta hildakoen omenez.
- 13:00: Herri bazkaria eta dantzaldia.
- 19:30: sari banaketa.
