Sei talde, Lezoko Dantzari Txiki Egunean

Dantzari Txiki Eguneko egitaraua 11:30ean hasiko da: sei taldeetako kideek desfilea egingo dute herritik zehar. Dantzaldi nagusia, 13:00etan, Saldisen.

Urko Etxebeste Petrirena

Lezo

2018/04/25

Desfilearen ondoren, dantza saioak egingo dituzte, eguerdian, Karlos Saldise plazan.

Hamarnaka dantzari gazte jasoko dituzte Lezoko kaleek igandean. Murixka Dantza Taldeak beste behin Dantzari Txiki Eguna antolatu du herrian, hainbat jarduerarekin. Sei taldeko dantzari txiki baina trebeak bilduko dira herrian: etxekoak, nola ez buruan, Murixkakoak. Lesakatik Tantirumairu, Hernanitik Ttarla, Oiartzundik Haurtzaro, Beratik Gure Txokoa, Errenteria-Oreretatik Ereintza, eta anfitrioi lanak egiten, Murixka. Horiek partaideak. Eta jarraian, eguneko egitaraua:

11:30ean, Lezoko kaleetatik desfilea hasiko dute dantza taldeek. Hiru geldialdi egingo dituzte dantza egiteko.
13:00etan, Karlos Saldise plazan, emanaldi nagusia. Dantzari guztiek Agurra eta Agintariarena dantzatuko dituzte, eta ondoren, talde bakoitzak bere tartea izango du. Bukaeran, denek batera fandangoa eta arin-arina dantzatuko dute.
Ondoren, Bekoerrota kiroldegian bazkaria; otordua egindakoan, Herri Eskolako patiora joango dira haurrak hainbat jokotan parte hartzera.
17:15, Dantzari Txiki Eguna bukatutzat emango dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.