Bateletatik, trainerilletara
Gipuzkoako Trainerilla Ligako lehen bi jardunaldiak jokoan izango dira bihar eta maiatzaren 1ean
Atsedenik ez tosta finkoko arraunean.?Batelen Euskadiko Txapelketak eginda, trainerillen aroa hastear da. Horrela, Gipuzkoako Trainerilla Liga bihar bertan hasiko da Orion (15:00), eta bigarren estropada maiatzaren 1ean, asteartean, egingo dute Donibanen.
Gazteen Mailako (mutiletan) eta Absolutu Mailako ontziek parte hartuko dute herrialdeko ligan. Gazteen Mailakoan, Oarso Bidasoko ordezkari bakarra, San Pedro. Emakumeen ligan, berriz, Hondarribiak, Hibaikak eta San Juanek izango dute ordezkaritza (jardunaldiaren arabera ontzi gehiago edo gutxiagorekin), eta gizonen kasuan, Federazio Kopa (B ontziekin) eta liga bera izango dituzte jokoan: azken horretan Hondarribia, San?Pedro eta San Juan izango dira.
Maiatzaren 13ra arte egingo dituzte ligako zazpi estropadak. Hilabete horretako 19 eta 20an da Gipuzkoako?Txapelketa.
Batelak, arrosez
Joan den asteburuan, Legution (Araba) San Juango emakumeek batel sasoian erakutsitakoa berretsi egin zuten: Absolutu Mailako eta Gazteen Mailako ontziak Euskadiko txapeldun izan ziren.
Senior emakumeetan Hibaika brontzea izan zen. Nesketan ere, baina kadeteen eta haurren mailetan, Hibaika eta San Juan bigarren izan ziren hurrenez hurren 
