DBHko ikasleek udaleku euskaldunei buruzko informazioa jaso dute

UEMA eta Eusko Jaurlaritzak antolatzen dituzten egonaldien berri eman diete udalak eta UEMAk berak

oarsoaldea

2018/04/27

Udaletxeko pleno aretoan jaso dituzte azalpenak.

Uda —poliki bada ere— hurbiltzen ari da, eta ikasleek denbora zerekin betetzeko kezka izaten dute batzuetan. Aukeretako bat da udalekuetara joatea izaten da. Gaur, pleno aretoan, euskarazko udalekuei buruzko informazioa eman diete DBHko ikasleei. Oiartzungo Udala eta UEMA saioa gidatzeko arduradunak. Entzuten, berriz, aritu dira Elizaldeko Ttirikittauki euskara batzordeko eta Haurtzaroko Eskuttuen elkarteko ikasleak zein Kuadrillategikoak. UEMAk Salto izeneko udalekuak antolatzen ditu, Oiartzun bezalako udalerri euskaldunetako gaztetxoentzat (2000 eta 2003 urteen artean jaiotakoak). Uztailaren 10etik 17ra izango dira, Zestoan. Herri euskaldunetako gaztetxoak ahalduntzea izango da helburua. Izena emateko e-posta bidez idatz daiteke, edo 943 81 66 99 telefono zenbakira deitu (lanegunetan, 08:00etatik 15:00etara). 50 lagunentzako tokia egongo da, eta zozketa bidez esleituko dituzte. Eusko Jaurlaritzak, UEMAren laguntzarekin, Mingaina dantzan programa antolatuko du aurtengo udaran ere. DBH 1 eta 2ko ikasleei zuzenduta dago, eta herri euskaldunago eta erdaldunagoetako gaztetxoak nahasten dituzte, orekatuta. Herri erdaldunagoetako haurrek euskaraz aritzen direnak erreferentzia izatea bilatzen dute, hizkuntza ohiturei dagokienez behintzat. Udaleku horiek Berrizen (Bizkaia) izango dira. Hamar eguneko bi txandatan banatuko dituzte, honako egunetan: uztailaren 4tik aurrera, eta hil horren 16tik hasita. Txanda bakoitzean 30 lagunentzako tokia egongo da, eta izena emateko programaren webgunera jo behar da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.