Akordioa errespetatu arte, Sabadell banketxearen aurrean

Elkarretaratzea eta informazio banatzea egin du Kaleratzeak Stop plataformak Sabadell banketxeak Errenterian duen bulegoaren aurrean.

Ikerne Zarate Gartziarena

Errenteria-Orereta

2018/05/07

Elkarretaratzeak egiten jarraituko dute Sabadell banketxearen aurrean, azken horrek akordioa errespetatu arte.

Elkarretaratzea eta informazio banatzea egin du Kaleratzeak Stop plataformak Sabadell banketxeak Errenterian duen bulegoaren aurrean. Errenteriako bizilagun baten egoera salatu dute bertan, aurreko astean egin zuten moduan, eta datorren astean ere bertan izango dira, “banketxeak kaltetuarekin adostutako akordioa errespetatzen duen arte”. Kaltetuarena ez da prozesu berria, hiru urte darama banketxearekin negoziatzen etxea kendu gabe akordio batera heltzeko. Kaltetua banketxeko bost negoziatzailerekin bildu da denbora honetan guztian, eta akordioetara heldu badira ere, negoziatzailea aldatu eta lortutakoa bertan behera utzi duela bi alditan heldutako banketxearen negoziatzaile berriak. Kaltetua autonomoa da eta familia enpresa txikiaren bidez erosi zuen etxebizitza eta lanerako lokala, “oparoaldi garaian lanpostuak eta aberastasuna sortu zituen, zergak ordaindu zituen, baita gizarte segurantza ere. Krisiak ordea, aurretik eraman zuen, beste asko bezala. Hipotekaren exekuzio prozeduran ordea, ezin zuen kontsumitzaile izaera defenditu, erosketak zuen pertsona bakarreko elkartearen bidez egin zituelako. Horrek, bere kontratuan zeuden abusuzko klausulek eragindako zorra handitzea ekarri zuen”. Datorren astean ere bi egunetan banketxe horren arrean elkarretaratzea egingo dutela azaldu du plataformak, baina egunak eta orduak ez ditu zehaztu oraindik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.