[Galeria] "Aski da" ozena

Gogor salatu ditu Gipuzkoako jubilatu eta pentsiodunen elkarteak pentsioen gaineko azken ituna sinatu duten alderdi politikoak.

Ikerne Zarate

Errenteria-Orereta

2018/05/07

Ehunka lagunek egin dute bat Duintasunaren manifestazioarekin.

Ehunka lagun bildu dira Duintasunak deitu duen elkarretaratze eta manifestaziora. Gogor salatu ditu Gipuzkoako jubilatu eta pentsiodunen elkarteak pentsioen gaineko azken ituna sinatu duten alderdi politikoak, “euskal pentsio sistema publikoa, eta gutxieneko 1.080 euroko pentsioa eskatzen dugulako”. Bide horretan, helburu dituztenak lortu arte kalean izango dira jubilatu eta pentsiodunak bizitza duinerako eskubidea aldarrikatzen. Manifestazioan geldialdi berezia egin dute gainera. Sabadell banketxeak Biteri kalean duen egoitzaren aurrean babesa erakutsi diote banketxe horrek kaltetutako Errenteriako bizilagunari. Stop Kaleratzeak plataformak deituta informazioa banatzen ari ziren bertan eta jubilatu eta pentsiodunek elkartasuna adierazi diete, eta txaloekin erantzun dute bi aldetatik. Hurrengo hitzordua ere jarri du Duintasunak. Hilaren 25ean, bat egingo du Espainiako Estatuan jubilatu eta pentsiodunen elkarteek deitu duten mobilizazioarekin. Donostian izango da hori, eta bertara deitu dituzte jubilatu, pentsiodun, eta herritar guztiak oro har, “pentsioena ez delako soilik gure arazoa, guztiona baizik”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.