Kuadrillen eguna egosten hasi dira

289 txartel baino ez dira gelditzen U23 Eguneko kuadrillen bazkarirako. Atzo arratsaldean Xenpelar Etxean saldu zituzten txartel gehienak, baita lanak banatu ere.

Ikerne Zarate

Errenteria-Orereta

2018/05/07

Lan handia izan zuten txartelen eta lanen banaketarekin atzo.

289 txartel baino ez dira gelditzen U23 Eguneko kuadrillen bazkarirako. Atzo arratsaldean Xenpelar Etxean saldu zituzten txartel gehienak, baita lanak banatu ere. Izan ere, bazkarian parte hartzen duten kuadrilla guztiek egin behar dute ekarpena egun horretako partaide izateko. Asko eta asko animatu ziren Kuadrilla Eguneko bazkariko txartelik gabe ez gelditzeko eta pazientziaz itxoin gainera, ilara luzea egin zuten Madalena kalean. 95 kuadrillek eta 1.211 lagunek lortu dute dagoeneko txartel preziatua. Oraindik baina, 1.500 lagunen zenbaki borobila osatzeko 289 txartel daude saltzeke, baita lagun horiek egin beharko duten lana banatzeko. U23 Faktoriak epe laburrean jakinaraziko duela non eta noiz salduko dituen bazkarirako txartelak jakinarazi du, beraz, adi txartelik gabe gelditu nahi ez dutenek. Elastikorako aukeratu duten kolorea ere jakinarazi du faktoriak: urdin argia. Uztailaren 23an kuadrillena izango da eguna, eta olatua, berriz, urdina.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.