Udako kirol ikastaroetan izena emateko epea zabalik dago

Kirol Txokoa antolatu dute aurten Pasaian lehenbizikoz

olatz mitxelena

2018/05/07

Piraguistak Donibanen

Urtero legez kirol ikastaro eskaintza zabala prestatu dute eskualdeko udalek udararako, guztira 35 jardueratik gora 3 eta 16 urte bitarteko haur eta gazteentzako, eta tartean denetarik, barruan egiteko kirolak, zein kanpoan praktikatzekoak, lehorrean eta baita uretan ere. Pasaian, aurten, Kirol Txokoa da berritasun nagusia. Astelehenetik ostiralera 09:00etatik 13:00ak arte aste osoko kirol jarduerez osatutako programa da kirol txokoa, eta Donibanen eta Trintxerpen eskainiko dute. Itsasoko jarduerak (piraguismoa eta paddlea), mendiko jarduerak (orientazioa, bizikleta ibilaldiak…), jolas koperatiboak, eta areto jarduerak uztartuko dituztela jakinarazi dute antolatzaileak. Prezioak esku-orrian begira daitezke. Halaber, bertan jasotzen dira kirolguneen eta antolatzaileen helbideak eta telefono zenbakiak. Ikastaroetan izena-emateko bi aukera daude: kirolguneen harreretan egin daiteke, edota Internetez. Uretako jarduerak sustatuz Pasaiako Udala azken urteetan ahalegin berezia egitean ari da uretako kirolak sustatzeko eta horregatik, aurten, iaz bezala, bela eta paddle surf ikastaroak antolatu dituzte. Horrez gain, Donibaneko kirolgunean piraguen eta Paddel Board-eko taulen alokairu-zerbitzua jarri dute martxan.

Banakako zein binakako piraguak aloka daitezke, ordubeterako edota egun osorako. Halaber, uda osorako bonua ere egin daiteke. Irteera gidatuak ere egin daitezke, aldez aurretik erreserba eginda. Edonola ere, 943345371 telefono zenbakian eska daiteke informazio zehatzagoa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.