Indarkeria matxistak lau emakume hil dituela salatuko dute bihar

'Lau eraildako eta hiltzera kondenatzen gaituen sententzia' goiburuarekin, Gasteizen, Donibane Garazin eta Bidarten izandako lau emakumeren hilketak salatuko dituzte.

Ikerne Zarate

Errenteria-Orereta

2018/05/08

Hamarnaka herritarrek egin zuten bat Oreretako Mugimendu feministak joan den hilabetean egindako beste elkarretaratze bat.

Bi astean lau emakume hil ditu indarkeria matxistak. Hilketa horiek salatzeko, Oreretako Mugimendu Feministak elkarretaratzera deitu du biharko, Niessen Merkatalgunearen sarreran 19:30ean. Lau eraildako eta hiltzera kondenatzen gaituen sententzia goiburuarekin, Gasteizen, Donibane Garazin eta Bidarten izandako lau emakumeren hilketak eta, 2016an Iruñean emakume baten kontra izandako talde erasoaren inguruan Nafarroako Probintzia Auzitegiak eman duen epaia salatuko dute bihar. Gasteizen, gizonezko batek emazte ohia eta haren ama hil zituen pasa den apirilaren 20an Lakua-Arriaga auzoan. Apirilaren 28an berriz, emakume bat hil zuen bikotekide ohiak, autoarekin harrapatuta, Donibane Garaziko Kale Nagusian. Hilaren 3an berriz, gizon batek bikotekidea hil zuen Bidarten. Hamahiru egunean, handitu egin da indarkeria matxistaren zerrenda beltza. Hil dituzten emakumeen familiei babesa erakutsiko die, bestalde, biharko elkarretaratzeak. Mugimendu feministan dei egin die herritar guztiei elkarretaratzean parte hartzera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.