Itsas Mendik antolatuta datozen hiru asteburuetan kontzertu sorta zabala izango da aukeran XXVIII. Musika Jardunaldien barruan.
Pasaia Txiki Abesbatzak ostiralean abestuko du Donibanen.
Urteroko zita da, musikari eta musikazaleen gozamenerako. Ostiralean hasiko dira Itsas Mendik antolatutako XXVIII. Musika Jardunaldiak, herriko koro gazteenaren eskutik. Pasaia Txiki Abesbatzak eskainiko du lehen kontzertua, ostiral iluntzean parrokian, baita azkena ere, Bonantzako elizan, Konstantzia Musika Bandak lagunduta, ekainaren 3an. Bien bitartean, baina, izango da zer hautatu.
Larunbatean, esaterako, piano eta biolin kontzertuaz gozatzeko parada egongo da, Eleketan Duet bikotearen eskutik. Mikel Urdangarinek joko du biolina eta Estitxu Sistiaga Makuso sanjuandarrak pianoa.
Igandean, azkenik, txistu doinuez beteko dira Santiago Plazaren inguruak. Urtero bezala Mugari Gabeko Txuntxuneroak elkartuko dira Donibanen, Itsas Mendik gonbidatuta eta eguerditik aurrera kalejiran ibiliko dira.
Jardunaldiek, baina, luze joko dute eta hurrengo bi asteburuetan ere izango dira kontzertu. Hona egitaraua:
Hilak 11, ostirala
- Pasaia Txiki Abesbatza, San Joan Bataiatzailearen Parrokian.
Hilak 12, Larunbata
- Eleketan Duet, San Joan Bataiatzailearen Parrokian.
Hilak 13, igandea
- Mugarik Gabeko Txuntxuneroak, Santiago plazan.
Hilak 18, ostirala
- Beltza Gorria Abesbatza, San Joan Bataiatzailearen Parrokian.
Hilak 19, larunbata
- Zariatxo eta Zariagaz abesbatzak, San Joan Bataiatzailearen Parrokian.
Hilak 20, igandea
- Itsas Mendi Txistulari Taldea, 13:00etan, Santiago plazan.
Hilak 26, larunbata
- Aretxabaleta Abesbatza, San Joan Bataiatzailearen Parrokian.
Ekainak 1, ostirala
- Arimaz Kamera Orkestra, San Joan Bataiatzailearen Parrokian.
Ekainak 3, igandea
- Kosntantzia Musika Banda eta Pasaia Txiki Abesbatza, 13:00etan, Bonantzako Elizan.
Oharra: Parrokiako kontzertuak, 20:00etan dira, doan.
