Piraguismoaren hastapeneko irakasle ikastaroa antolatu dute
Ikastaroa Pasaian izango da hilaren 25etik 27ra; izen-ematea hilaren 21 arte egongo da zabalik.
Piragua gustuko dutenek aurki aukera paregabea izango dute jardueran trebatu eta hastapenetako irakasle gisa formatzeko. Ikastaroa antolatu du Euskal Kanoe Federakuntzak, Pasaian, Pasaia Kayak klubaren eta Pasaiako Udalaren laguntzaz.
Ikastaroa hilaren 25etik 27ra bitartean izango da, eta izena emateko aukera hilaren 21era bitartean egongo da. Ikastaroa euskara hutsean izango da, doan.
Kirolaren hastapenetan aritu nahi duten teknikarientzat bideratutako ikastaroa da, oinarrizko ezagutza bat bermatzeko helburuz eskainia.
Halaber, eskola kiroleko edo kirol federatuko jardueretako eta lehiaketetako kirolariei laguntzeko eta haien zaintzaz arduratzeko prestaketa jasoko dute ikastaroan izena ematen dutenek.
Ikastaroan ondoko ikasgaiak jorratzen dira: oinarrizko ezagupenen arloa, metodologia eta piraguismoaren didaktika, material eraikuntza eta mantentzea, segurtasun aktiboa eta prebentziozkoa, programazioa, palakadak emateko maniobrak eta teknika.
Informazio gehiago eskuratzeko edota izena emateko, Euskadiko piraguismo federaziora jo behar da.
Sarrera proba
Deialdia
