Helburua, astebetez egitarau oparoa eskaintzea herritar orori, eta urtean zehar elkarteetan ehunka jubilatuk egiten dituzten lanak ikusgai jartzea.
Ateak zabalduz aurkeztu dute Errenteriako erretiratuen elkarteek.
astea antolatu dute seigarrenez Errenteria-Oreretako jubilatuen zortzi elkarteek, Lagunkide taldeak eta Errenteriako Udaleko Gizarte Zerbitzuen azpisailak. Helburua, astebetez egitarau oparoa eskaintzea herritar orori, eta urtean zehar elkarteetan ehunka jubilatuk egiten dituzten lanak ikusgai jartzea. Gaur aurkeztu dute datorren astelehenean, hilaren 14tik, hilaren 18ra arte egingo duten astea Merkatuzarren Nagore Basurto Ongizate zinegotziak eta jubilatu elkarte guztietako ordezkariek.
Ekintza gehienak Merkatuzarren izango dira, tailerrak irekiak izango dira eta erakusketa, berriz, doakoa. Astearen barruan, ikasturte osoan zehar izandako jardueren argazkiak ikusteko aukera izango da, horretarako prestatuko duten txokoan. Astelehenean jubilatuek herriko elkarteetan egindako lanen erakusketa zabalduko dute Merkatuzarren. Denetarik ikusteko aukera izango da 10:30etik 13:00ak arte eta 17:00etatik 20:00ak arte. Egun berean antolatu dute, argazkilaritza tailerra:” Iñaki Erkiziak gidatuko du eta hainbat ezagupen teoriko landuta kalera aterako gara ikasitako hori pixka bat bada ere praktikatzera”.
Jarduera fisikoa sustatzeko programa, bisita gidatuak, soinketa saioa, dantza tailerra, sukaldaritza tailerra, eta eskulan tailerra antolatu dituzte, besteak beste, astearen barruan. Ekintzarik ikusgarriena berriz, Euskal Jaia izango da aurten ere. Asteazkenean (hilak 16) 17:30ean irtengo da Merkatuzarretik, eta hamarnaka eta hamarnaka erretiratuk girotuko dute herria musika eskolako ikasleek lagunduta. Ostiralean, berriz, 300 bat lagunek egingo dute bat bazkarian.
Egitaraua
Hilak 14, astelehena
- 17:00: Ateak zabalduz hasiera.
- 10:30-13:00 eta 17:00-20:00: Erakusketa Merkatuzarren astelehenetik ostegunera.
- 17:30-19:30: Argazkilaritza tailerra, Merkatuzarren.Hilak 15, astearte
Hilak 15, asteartea
- 09:00-10:00 eta 10:15-12:15: Errenteriatik bisita gidatuak. Aurretik izena eman behar da.
- 10:30-13:00: Hondarribitik bisita gidatua. Aurrez izena eman behar da.
- 11:00-12:30: Jarduera Fisikoa sustatzeko programa, Merkatuzarren.
- 17:30-19:30: Sukaldaritza tailerra Amagoia Bilbaorekin, Merkatuzarren.
Hilak 16, asteazkena
- 10:00-13:00: Lagunkide topaketa, Merkatuzarren.
- 11:00-12:30: Jarduera Fisikoa sustatzeko programa.
- 17:30-19:30: Euskal Jaia Merkatuzarretik abiatuta.
Hilak 17, osteguna
- 10:30-11:30: Soinketa saioa Merkatuzarren.
- 12:00-13:00: Dantza tailerra Merkatuzarren.
- 17:00-20:00: Eskulan tailerra Merkatuzarren.
Hilak 18, ostirala
- 14:00-16:00: Bazkaria. Aurrez izena eman behar da.
- 16:30-17:30: Omenaldia Merkatuzarren.
- 18:00-19:30: Dantzaldia Merkatuzarren.
