Donostia eta Errenteriako kanta zaharrak Madalenaren basilikan

Donostia eta Errenteriako kanta zaharrak gogoan goiburuarekin, txistu emanaldia egingo dute larunbatean Madalenaren basilikan.

Ikerne Zarate Gartziarena

Errenteria-Orereta

2018/05/10

Olaizola, Insasuti, Oliveri eta Bengoetxea.

Donostia eta Errenteriako kanta zaharrak gogoan goiburuarekin, txistu emanaldia egingo dute larunbatean Madalenaren basilikan. Ereintza Elkarteko Txistulari Beteranoen bandak egingo du emanaldia eta gaur aurkeztu dute, Jose Luis Insaustik eta Izaskun Olaizolak Maria Magdalenaren Lagunak Kltur Elkarteko kideek eta Josetxo Oliveri eta Salva Bengoetxeak, Ereintza txistulari taldeko kideak. Bengoetxeak, kontzertuaren ideia Donostian izandako kontzertu batean sortu zela esan du, “Donostiako doinuekin osatutako emanaldia izan zen, eta orduan ohartu ginen Errenterian badugula gure errepertorioa”. pentsatu eta ekin. Lan handia egin dute ordutik doinu horiek bilatu eta aukeratzeko, baina osatu dute egitaraua, eta larunbatean eskainiko dute, “errenteriarrak identifikatuta sentituko dira”. Oliverik aletu ditu kontzertuaren gaineko xehetasunak. Ereintza elkarteko txistulari beteranoen bandak egingo du kontzertua Oliverik zuzenduta: “2008an sortu zen banda hau, eta Ereintzako lehen txistulari bandako kideak dira. Banda hori, ordea, osatu behar izan dugu, indartu larunbateko emanaldirako”. Guztira 17 lagun izango dira agertokian: 11 txistulari, bi atabalari, teklista bat, bi abeslari eta tronpetista bat. Programari dagokionean “erakargarria eta herrikoia” egin dutela erantsi du Oliverik, ” eta Donostia eta Errenteriako doinuak bildu ditugu bertan. Lehenengo zatian Donostiarekin lotutakoak joko ditugu, eta bigarrenean, Errenteriakoekin. Tartean, t ezezaguna zen bat jaso dugu programaren barruan: Errenteriako Idiarena”. 1960. hamarkadan jotzen zen Felix Lavillaren Jeiki jeiki alborada, edota 1936ko Espainiako Gerra aurretik jotzen ziren Inauterietako dianak ere joko dituzte larunbatean. “Kontzertua entzuteko erraza, erakargarria eta nostalgikoa izango da neurri batean”. 20:00etan izango da , eta doakoa da sarrera. Insaustik agerraldia baliatu du Eresbili eskerrak emateko. Azken horrek, lehenengoz eramango du Musikaste zikloaren barruko emanaldietako bat basilikara: “Lehen urtea da elkarlanean arituko garena, eta berri ezin hobea da”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.