Udal ordezkariak, eragileak eta Burbletz gaurko agerraldian.
Aniztasunaren Nazioarteko Eguna ospatzeko egitaraua antolatu du aurten ere Errenteriako Udalak, eta etzi abiatuko du. Hamaika kolore, hamaika jatorri, hamaika kultura, guztien nahasketa eta elkarbizitza direla beharrezkoak aldarrikatuko dute, eta horren harira, programa zabal eta koloretsua antolatu du udalak beste urtebetez hainbat eragilerekin elkarlanean. Horren berri emateko agerraldia egin dute gaur Nagore Basurto Kultur Aniztasuna, Garapenerako Lankidetza eta Giza Eskubideak azpisaileko zinegotziak, Samira Gody azpisail bereko teknikariak eta hainbat eragilek, egitarau zabalaren berri emateko. Burubeltz ere bertan izan da.
Ekitaldi nagusia Atanbora Martxa kultur aniztasunaren aldeko martxa koloretsua izango da. Ostiralean izango da hori, eta Zumarditik abiatuko da 18:00etan Koldo Mitxelena ikastetxeko jolastoki estalian amaitzeko. Martxara perkusio instrumentuak nahiz erritmoari laguntzeko bestelako tresnak eramateko deia egin diete herritar guztiei, “Atanbora doinua denen artean dantzatu eta abesteko”. Martxa amaituta, Atanbora doinua dantzatu, jo eta abestuko dute denek batera, eta Burubeltz buruhandiak ere ez du zitan kale egingo. Eguna amaitzeko txokoak izango dira jolastokian bertan, txapak eta mosaikoak egiteko.
Ostiralean bertan inauguratuko da gainera, DBHko ikasleek osatu duten Aniztasuna eguneroko alor desberdinetan erakusketa. Aniztasuna eta kirola, artea, elikagaiak, musika eta dantza, literatura eta hizkuntzak landu dituzte ikasleek. Lan horiek hilaren 21etik aurrera zango dira ikusgai Udal Euskaltegian, Musika eta Dantza eskolan, Niessen Merkataritza gunean, Galtzarabordako Kiroldegian , Merkatuzarren eta Udal Liburutegian, gaurko agerraldian jakinarazi dutenez. Eguna amaitzeko berriz, aniztasunaren aldeko herri aliantzaren photocalla izango da Koldo Mitxelenaren jolastokian, eta parte hartzeaz gain, aliantzari atxikitzeko txokoa ere egongo da.
11 Zapore
Aurretik, eta ostegunetik (hilak 17) hasi eta igandera arte 11 Zapore iniziatibarekin bat egin duten herriko 20 tabernek, munduko pintxo bat izango dute salgai beren gainontzeko pintxoekin batera, “ekintza horri hasiera emateko, bizikleta musikatua ibiliko da erdiguneko kaleetan barrena, munduko musika jarriko duen DJ batekin. Parte hartzen duten tabernek munduko bandera bat izango dute kanpoaldean”.
Pintxo horiek baloratzeko aukera izango dute gainera,dastatzen dituzten herritarrek, eta puntuazioa emateko: “Lehiaketa egingo dugu lehen aldiz, zapore berri horien artetik arrakasta izan duena saritzeko eta puntuazioa ematen duten parte hartzaileen artean zozketa bat egingo dugu. Hilaren 25ean jakinaraziko da irabazlea”. Pintxoak soilik ez, Errenteria Munduan erakusketa ere izango da parte hartzen duten tabernetan, “horietan errenteriako Udalak urtero diruz laguntzen dituen Gobernuz Kanpoko Erakundeen proiektuak ezagutzeko aukera emango dute”.
Ostiralean bertan eta martxaren aurretik, berriz, ekintza gehiago iragarri dituzte. Horrela, Irene Sotelo ipuin kontalariak 5 kontinente 5 ipuin emanaldia eskainiko du haurrei begira, 17:15etik aurrera Zumardiko kioskoan, Omayma Hazzouzek zeinu hizkuntzara itzultzen dituen bitartean.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
