Pala finalerdian da Errenteria

Joaneko partidetatik -19ko emaitzarekin etorri ziren, baina lehia biziko partida jokatuta bi garaipen lortu zituzten etxean.

Ikerne Zarate Gartziarena

Errenteria-Orereta

2018/05/21

Yorel eta Ruben epailearen ezkerretara, partida hadi baino lehen Fanderiako pilotalekuan. Argazkia: EPLE

Zailtasunak gaindituta jardunaldi ederra joan den asteburukoa Errenteriako pilotarientzat. Agustina Otaola pilotalekuan izan ziren partidak eta Deba zuen arerio Errenteriak palako Herriarteko Txapelketan. Ez zuten lan erraza Errenteriakoek baina lortu dute, finalerdietan sartu dira. Joaneko partidetatik -19ko emaitzarekin etorri ziren, baina lehia biziko partida jokatuta bi garaipen lortu zituzten etxean. Jokalarien aldaketa egin zuten Errenteriakoek eta Eskisabel eta Abel larruzko pilotan aritu ziren eta Yorel eta Ruben, pala motzean. 35-23 irabazi zuten lehenengoek partida ederra eskainita, gainera; bigarrenek, garaipena ezinbestekoa zuten eta 29-21 markagailuan aurretik joan ziren, baita atzetik ere (34-37) baina azken sei tantoak errenkan lortu zituzten eta 40-37 amaitu zuten partida. Bi garaipen eta Errenteria finalerdietan. Soraluzen gomazko paletan jokatutako itzuliko partidetan garaipena bakarra lortu dute Errenteriakoak, berriz. Matxainek 13-20 irabazi zuen baina Izkierdo-Aizkorreta bikoteak eta Iker Maneirok ez zuten lortu garaipena etxera ekartzea. Esku pilotan ere ezin izan zuten Errenteriakoek garaipenik lortu Ataungo Auzoeta pilotalekuan jokatutako joaneko partidetan. Lehen lerroko jokalariak ditu Ataunek kategoria guztietan. Kadeteetan fin aritu ziren Camara eta Iriarte 14 puntura arte, baina ezin izan zuten lortu eta 22-15 amaitu zuten partida. Gazte mailan Lopez eta Aranburu eta seniorretan Zapirain eta Oihan aritu ziren. 22-3 eta 22-1 gelditu ziren markagailuak, hurrenez hurren.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.