Ostegunean zabalduko dute Ahobizi eta Belarriprest gisa izena emateko epea.
Antxon aurtengo martxoan egin zuten lehen entsegua, Donibanen ekainaren 21etik 24ra egingo dute.
Donibanen hasiak dira Euskaraldia prestatzen, eta sanjoanetarako lehen entsegu handia antolatu dute
ADI Euskararen BatelARI izenburupean.
Antolatzaileek nabarmendu dutenez, “Donibanen handia da euskaldunen kopurua”, eta horregatik uste dute iniziatiba “euskarak herrian izan dituen berezko espazioak berreskuratzeko” baliagarria izan daitekeela.
Azaldu dutenez, ahozko hizkuntza ohituren aldaketa da gakoa, eta iniziatiba euskara ulertzeko edota euskaraz hitz egiteko gai diren sanjuandar guztiei zuzenduta dagoela gaineratu dute. Parte hartzeko baldintza bakarra, 16 urtetik gora izatea.
Bi parte hartze ere izango dira:
Belarriprest: euskara ulertzen dutenak nahiz eta hitz egiteko maila edota ohitura nahikorik ez eduki.
Egitekoa: Donibanen euskaldunekin
elkarrizketak euskaraz jarraitzeko ohitura hartzea, nahiz eta ez izan gai euskaraz erantzuteko.
Ahobizi: beti euskaraz hitz egiteko prest daudenak.
Egitekoa: Donibanen euskaldunen artean eta belarriprest direnekin euskaraz
hitz egitea.
Izena emateko hiru bide daude aukeran:
- Herrian zehar banatu duten izen emateko zerrendetan (pertsonalizatua).
- Donibaneko Ubera liburutegian.
- E-posta bidez.
Aurkezpen ekitaldia hilaren 31n egingo dute, Donibaneko kulturgunean, 20:00etan.
