[Galeria eta bideoak] 'L'Hermione' Pasaian da

Jendetza, salbak, dantza, musika eta kantuak frantses fragatari harrera egiteko.

olatz mitxelena

2018/05/23

Sarrera ikusgarria egin zuen L’Hermione-k, badiaren bi aldeetara pilatutako jendetzaren gozamenerako.

Iragarritako ordua baino ia hogei minutu beranduago zeharkatu zuen atzo L’Hermione-k Pasaiako bokalea, eta ordurako jendez lepo ziren Donibane eta San Pedro. Ikusmina zegoen, eta ikuskizunak ez zuen huts egin. Salbak botatzen sartu zen frantses fragata, ponpa handiz, eta bestelako belaontzi eta barku txikiagoen artean ikusgarri. Eskifaiaren hainbat kide masta erraldoietan igota, jendetza agurtuz egin zuten San Pedroko atrakalekura arteko bidea. Behin San Pedroko kaian, harrera ezin beroagoa egin zieten herritarrek. Lintxua dantza taldeko txikiek agurra dantzatu zien fragatan porturatutakoei eta Batelerak ere han ziren, L‘Hermione-ren kapitainari ere dantzara ateratzeko prest. Tripulazioak, fragataren soketan igota, eta esker onez, hainbat kantu abestu zituen, eta tartean, kaian pilatutako jendearen sorpresarako, Mikel Laboren Txoria Txori. Igandera arte Igandera bitartean egongo da L’Hermione Pasaian, eta egunero izango da ontzia barrutik bisitatzeko aukera. Sarrera aurrez erosia zutenek zuzenean sar daitezke ontzira, eta gainontzekoek San Pedron erosi ditzakete sarrerak, ontziaren ondoan. Gaur goizean ilara luzeak ikusi ahal izan dira kaian, jende asko joan delako San Pedrora sarreren bila. Hemen ordutegi eta prezioen gaineko informazioa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.