Zuri-gorriak, Galera, garaipenaren bila
Igoera jokoan, irabazi behar dute zuri-gorriek eta Ordiziaren emaitzaren zain geratu
Pasaiak Real Union Bren zelaian, Galeko zelai nagusian, jokatuko du bihar (hilak 26) 17:30ean. Mailaz igotzeko irabazi behar dute, eta Ordiziak zer egin zain egon —Hernani jasoko dute euren zelaian—.Bi taldeak 69na punturekin berdinduta daude sailkapen nagusian, baina ordiziarrak aurretik daude bi taldeen arteko gol aldea goierritarrena delako.
Hirugarren Mailara zuzenean talde bakarra igoko denez, Ordiziak du oraingoz postu hori lider delako, baina Pasaiak asteburuan haiek baino puntu gehiago lortzen baditu, goian leudeke antxotarrak. Bestela kanporaketa bat jokatu beharko dute zuri-gorriek, beste lurraldeetako taldeen kontra.
Oraingoz, baina, hiru puntuak poltsikoratzea da premiazkoena, eta horretarako antxotarrek zaleak ondoan izango dituzte Galen, autobusak antolatu dituztelako zuri-gorriek Irun aldera joateko. 
