Autobusez joan ziren Antxoko zaleak Galera, taldea bultzatzera.
Dena primeran atera da eta zuri-gorriak, ederki merezita, 3. Mailara bueltan dira. Lehengo larunbatean gauzatu zen igoera, Irungo Gal estadioan. 1-2 irabazi zuen Pasaia KEk Real Unionen kontrako partida, nahikoa erraz.
Baina lehia, larunbatean, ez zegoen soilik Gal estadioan, igoera lortzeko, zuri-gorriek Ordiziaren emaitzaren menpe zeudelako. Bi partidak -Real Union-Pasaia eta Ordizia-Hernani- ordu berean lehiatu ziren, eta horrek, emozioa gehitu zion jardunaldiari. Galeko harmailetatik, zuri-gorrien zaleek, bi partidak jarraitu zituzten, Irungoa, eta Ordiziakoa Altamira zelaian.
Eta pozaren eztanda Ordiziaren berdinketarekin iritsi zen. Hiruna berdindu zuten Ordiziak eta Hernanik, eta horri eskerrak antxotarrak Ohorezko Erregional Mailako txapeldunak dira eta igoera zuzenean lortu dute, kanporaketa jokatu beharrik gabe.
Ospakizunak eta datorren denboraldirako planak
Ospakizunak Galen bertan hasi ziren, eta ondoren Antxon, jokalariei egin zieten bat-bateko harrerarekin. Baina ospakizunak oraindik ez dira bukatu. Klubeko presidente Gorka Blancok jakinarazi duenez udalean harrera egingo dietela jakinarazi diete, eguna, oraingoz zehazteko duten arren.
Berandu baino lehen jarriko dira hurrengo denboraldi prestatzen. Blancok iragarri duenez, talde teknikoaren buru Carlos Garciak jarraituko du. Entrenatzaileak jokalariei jarraitzeko asmoa duten galdetu die jada, eta Blancok zehaztu duenez, ospakizunak bukatuta hasiko dira jokalariekin banaka biltzen. Aurtengo jokalariek erantzuten dutenaren arabera, hasiko dira taldea indartzeko erabakiak hartzen.
Ia ezustean
Pozik mintzo da zuri-gorrien presidente aurtengo denboraldiaren balorazioa egiterakoan. Aitortu duenez hasieratik zuten helburu igoera, baina lehen jardunaldietan nahi baino makalago hasi zirenez, zaila zirudien ezarritako xedea erdiestea. “Denboraldi osoan ez gara egon lehen postuan”, ohartarazi du Blancok.
Aitzitik, eta ia oharkabean, aldeko jarri zaizkie gauzak zuri-gorriei. “Hamar partida irabazi genituen errenkan, eta orain, azken txanpan, beste bederatzi”, nabarmendu du presidenteak. “Horri Ordiziaren azken orduko makalaldia gehitu eta igoera lortu dugu”, gaineratu du.
Datorren denboraldia, kirol ikuspegitik, zaila izango dela badaki Blancok: “3. Mailan talde bizkaitar asko dago, eta kobratzen duten jokalari asko ere bai, eta aukera hori guretzat ezinezkoa da”. Zailtasunak zailtasun, edonola ere, “ahalik eta goren” iristen saiatuko direla agindu du, helburua, beti ere, kategoria ez galtzea izango dela aurreratuta.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
