Konpostatzeko poltsen makina, Fanderian

Fanderiakoarekin herrian barrena jartzen duen zazpigarren makina du udalak, aurretik, Beruan, Iztieta, Galtzaraborda, Kaputxinoak, Agustinak eta Erdialdean jarri ditu.

Ikerne Zarate Gartziarena

Errenteria-Orereta

2018/05/28

Poltsa konpostagarriak banatzeko zazpigarren makina jarri du udalak, Fanderian.

Fanderiako bizilagunek ere, eskura izango dute aurrerantzean poltsa konpostagarrien makina. Izan ere, udalak auzoan jarri berri du. Fanderiakoarekin herrian barrena jartzen duen zazpigarren makina du udalak, aurretik, Beruan, Iztieta, Galtzaraborda, Kaputxinoak, Agustinak eta Erdialdean jarri ditu. Fanderiakoa, auzoko igerilekuetan jarri du. Erabiltzaileek txartela beharko dute poltsa konpostagarriak eskuratu ahal izateko. Txartel hori, bosgarren edukiontzian izena eman duten familiek dute. Makinak 40 poltsa konpostagarriko bilkari bat banatuko dio doan erabiltzaileari 10 asterako, eta makinaren pantailan jakinaraziko dio gainera, zein datatan hartu ahalko dituen poltsak berriro. Ingurumen sailak, organikoen poltsa edukiontzira eramaten den aldiro txartela erabiltzea garrantzitsua dela gogorarazi die erabiltzaileei, nahiz eta momentu horretan edukiontzia ondo itxita ez egon, “bestela ezinezkoa delako zenbat eta nola erabiltzen den benetan”. Hondakin organikoak biltzeko berriz, poltsa konpostagarriak baino ez erabiltzeko eskatu du, bestalde. Udalak doan banatzen ditu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.