Kuadrillategi Eguna igandean ospatuko dute

Eguraldi ona egiten badu Donibanen izango da festa, eta txarra egitekotan Antxoko Ibaiondon.

olatz mitxelena

2018/05/28

Kuadrillategiko gazteak, iazko abordaian.

Kuadrillategi egitasmoak eskualdeko 12 eta 16 urte arteko 400 gazte elkartzeko ditu ikasturtean zehar ostiralero, eta horiek denak bat egingo dute Pasaian datorren igandean (ekainak 3) Kuadrillategi Egunean. Egitasmoak euskararen erabileran eragin nahi du, lagunartean eraginez, nerabe eta gazte kuadrillei aisialdi eskaintza erakargarri bat eskainiz. Kuadrillategi Egunerako, beraz, helburu bereko egitaraua ondu dute. Festa Donibaneko alde zaharrean izango da eguraldiak baimentzen badu eta Antxoko Ibaiondo pilotalekuan euria eginez gero. Egitaraua

11:00: Kaudrillategiko pasaitarrek harrera egingo diete beste herrietatik etorriko diren gazteei. Segidan, flashmob-a eta ginkana, Bizkaia Plazatik Santiago plazara.
14:00: Bazkaria.
16:00: Ttek elektrotxarangaren emanaldia.
18:00: Agurra.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.