Oinbusak, oinez eta seguru

Iniziatibarekin, ikasleak hezkuntza zentroetara oinez joateko ohitura sustatu nahi dute, "mugikortasun ohitura iraunkor eta osasuntsuak bultzatu".

Ikerne Zarate

Oiartzun

2018/05/29

Oinbusak jarri dituzte martxan ohitura osasungarri eta iraunkorrak sustatzeko.

Oinbusak jarri ditu martxan Oiartzungo Udalak Haurtzaro ikastola, eta Elizalde Herri Eskola eta institutuko ikasleak oinez eta bide segurutik heltzeko ikastetxeetara. Altzibar, Iturriotz eta Ugaldetxo auzoetatik ikastetxeetara bide seguruak markatu ditu horretarako, udalak, Mendi Ingurumen saila eta udaltzaingoaren bidez eta ikastetxeekin elkarlanean. Ibilbide horietan, elkartze puntuetan seinaleak ere jarri ditu. Bide seguruak markatzeko, gainera, ikastetxeetako ikasleen laguntza izan du udalak. Iniziatibarekin, ikasleak hezkuntza zentroetara oinez joateko ohitura sustatu nahi dute, “mugikortasun ohitura iraunkor eta osasuntsuak, azken urteetan ikastetxera autoz joateko ohitura nagusitu baita”. Oinbusarekin, bestelako helburuak ere indartzen direla zehaztu du udalak: “Haurren autonomia, eta bizilagunen arteko harremanak, esaterako”. Haur Hezkuntza eta Lehen Hezkuntzako Oinbusak guraso boluntarioekin jarri dituzte martxan, “era berean, adin tarte horretako ikasle helduenak txikiagoen ardura hartzea ere bultzatu nahi da, haurren autonomia sustatzeko”. DBHko ikasleak berriz, autonomoak direnez ikastetxera oinez beren kabuz joatea bultzatu nahi da. Iniziatiba 2008/2009 ikasturtean abiarazi zuen udalak guraso boluntarioen laguntzarekin, “ikasturte bikarea honetan berriz martxan jarri dugu, ikasle eta gurasoen ohiturak aldatzen hasteko etorkizunari begira”. Datorren ikasturtean, ikasturte hasieratik funtzionatuko du Oinbusak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.