Portugal eta Euskal Herria, Donibanen, are gertuago

Gaur hasiko dira Bixi-Bixi elkarteak antolatutako Portugal-Euskal Herria jardunaldiak.

olatz mitxelena

2018/05/29

‘Pessoak eta Saramagok badakite euskaraz: euskarazko literatura lusofonoa’ hitzaldiarekin hasiko dira gaur jardunaldiak.

Hitzaldiak, musika, literatura… denetarik topa daiteke Bixi-Bixi elkarteak Portugal- Euskal Herria jardunaldien barruan atondu duen egitarauan. Gaur hasiko dira jardunaldiak, eta ekainaren 16an bukatuko dira, egun osoko jaialdi batekin, baina bien bitartean izango da zer aukeratu, Pasaiako portugesak nahiz ingurukoak protagonista izango dituzten jardunaldietan. Herrien arteko zubiak eraiki nahian ekin zioen iaz Bixi-Bixi elkarteak Gora Herri egitasmoari, eta jardunaldien lehen ekitaldia Kuba eta Euskal Herriari buruzkoak hartu zituzten mintzagai. Aurten, baina, Portugalen jarri dute fokua, besteak beste, portugaldarren komunitateak Pasaian aspalditik duen pisuari erreparatuta. “Garrantzitsua iruditzen zaigu bertan bizi garen guztion arteko komunikazioa areagotzea eta kultur aniztasuna egunerokotasunean txertaturik, guztiontzako ondare eta balore bihurtzea”, adierazi dute antolatzaileek. Bide batez, ekimena euskaraz eta portugesez mintzatuko dela nabarmendu dute, “elkarrekin zuzenean mintzatzeko, eskuz esku, iraganaz eta geroaz hausnartzeko”. Azken jaia Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.