Diru Sarrerak Bermatzeko Errentaren gaineko hitzaldia, bihar
Bizitza duin bat. Zuzena eta gutxienekoa delako goiburuarekin hitzaldia antolatu du bihar Elkarrekin Ahal Dugu alderdiak.
Bizitza duin bat. Zuzena eta gutxienekoa delako goiburuarekin hitzaldia antolatu du bihar Elkarrekin Ahal Dugu alderdiak. Nagore Basurto Gizarte Zerbitzuetako zinegotziak, Ramon Sanchez Equo Berdeak alderdiko bozeramaileak, Jon Hernandez Elkarrekin Ahal Dugu alderdiko parlamentari eta Ezker Anitza-IUko kideak, eta Tinixara Guanche Elkarrekin Ahal Dugu parlamentariak hartuko dute parte hitzaldian.
Diru sarrerak eta gizarteratzea bermatzeko sistema aldatzeko EAJ eta PSE-EEk joan den apirilean egindako lege proposamena aztertuko dute . Lege aldaketa horrek ez du pobreziarekin eta bazterketarekin amaitzea lortuko Elkarrekin Ahal Dugu alderdiaren iritziz, “eta hori da oinarrizko helburua. Ziurrenik PPren babesa jasoko duen EAJ eta PSE-EEren proposamenak, egungo DBE Diru Sarrerak Bermatzeko Errentaren arlo askoren murrizketa ekarriko du”.
Horien artean, Lanarteko Gutxieneko Soldata eta DBE bereiziko direla behin betiko azaldu du alderdiak, “etorkizunean, nahikoa izango ez den igoera edo murrizketa ezartzea errazagoa izango da. DBEk lotura hori galdu zuenetik 2012an, %13,5ean murriztu da. Elkarbizitza unitate bakarrera mugatzea laguntzak, etxebizitza partekatzera derrigortuta dauden norbanako ugari utziko ditu kanpoan. laguntzarik gabe”.
Laneko diru-sarrerak osatzeko errentaren zenbatekoa murriztuko dela lege proposamenaren arabera gaineratu du, “horrek langile prekarioen pobrezia areagotuko du. Gutxi balitz, laguntza jasotzen duten pertsonen gaineko kontrola eta jazarpena egiten jarraituko du Lanbidek, eta horretarako diskriminatzailea eta legez kanpokoa dela jakinda ere hatza marka derrigorrezkoa ezarrita”.
Horiek, bihar, Xenpelar Etxean 18:30ean hasita landuko diren gaietako batzuk baino ez dira. 
