Imanol Artola areto futbol oroitaldian izena emateko epea zabalik dago. Tiñelu elkartean eman behar dute izena interesdunek.
Iazko edizioko lehen hiru taldeetako partaideak, sariekin.
Tiñelu elkarteak jakinarazi du aurtengo Imanol Artola areto futbol oroitaldia hilaren 16tik 17ra egingo dela. 24 orduko lehia da, lezoarraren omenezkoa. Aurten 28. ekitaldia du kirol eta elkartasun jarduerak. Bekoerrota kiroldegian izango da, eta hilaren 16ko 10:00etan hasiko dira partidak.
Parte hartu nahi duten taldeek izena emateko epea zabalik dute. Tiñelu elkartean eman behar da izena (telefono zenbakia: 943 57 43 65), eta hori egiterakoan talde bakoitzak unean 50 euro ordaindu beharko ditu; gehienez, hamar kide izan ditzake talde bakoitzak. Lehiarako taldeen zozketa hilaren 15eko (ostirala) 19:00etan egingo dute, Tiñelun. Bertara joan behar dira izena eman duten taldeen ordezkariak.
Sariak honakoak dira:
- Irabazlearentzat: Imanol Artola trofeoa eta 10 lagunentzako afaria.
- Bigarren sailkatuarentzat: garaikurra eta 10 lagunentzako afaria.
- Finalerdietako galtzaileentzat: garaikur eta arkume bana.
- Gol gehien sartzen dituenarentzat: garaikurra eta bi lagunentzat afaria.
Sarietako batzuk.
Tiñeluk izena ematera anima daitezela adierazi die urtero izaten diren taldeei, nahiz lehian lehenengoz izan nahi dutenei, “txapelketak izaten duen harrera onak aurrera jarraitzeko animoak ematen dizkigute urtero”. Eskerrak eman dizkiete urtero-urtero dena ondo joan dadin lanean aritzen diren boluntarioei nahiz taldeei,
Lezokoei eta kanpokoei.
