kirol munduari aitortza egin eta eskerrak emateko antolatu dute Juneren Hegoak Kirol Eguna.
Mendikute eta Txasko gaurko agerraldian.
Juneren Hegoak elkarteak bost urte beteko ditu aurten. Hori dela eta, orain arte, urrian antolatu izan duten jaialdia hilabete honetan egingo dute aurten, hilaren 16an, zehazki. Gaur aurkeztu dute eguna Juneren Hegoak elkarteko Alazne Mendikutek eta Jon Txasko Kirol zinegotziak. Kiroletik ekintza ugari antolatu direla elkarteari laguntzeko nabarmendu du Mendikutek, eta kirol munduari aitortza egin eta eskerrak emateko antolatu dutela kirol eguna.
Egun osoko egitaraua antolatu dute. Goizez, Koldo Mitxelena ikastetxeko jolastokiak hartuko ditu ekintzak, 11:00etan hasita saskibaloiko 3×3 eta eskubaloi txapelketak jokatuko dituzte. Horietan izena eman nahi dutenek, hilaren 11,12 eta 13an Juneren Hegoak elkartearen egoitzara jo beharko dute 18:00etatik 20:00etar. Txapelketak egin bitartean, rokodromoa ere izango da haurrei begira. Bi txapelketak 12-13 urte arteko gazteentzat eta hortik beherakoentzat dira.
Arratsaldez, Agirre Lehendakariaren plazara aldatuko dute ageryokia. Tximeleta Triatloia egingo dute bertan 16:30ean hasita: “Ergometroa, spinning eta oztopoen zirkuitua prestatu dugu bertan”. Bertan parte hartu nahi dutenek, Juneren Hegoak elkartearen egoitzan eman beharko dute izena aurretik aipatutako egun eta orduetan. Zumba beroketa egingo dute ondoren, eta 19:00etan Juneren Hegoak 1. Running Solidarioa egingo dute.
Lasterketa solidarioan bi kategoria izango dira: haurrena, eta helduena. 14 urte arteko partaideak arituko dira lehenengoan eta kilometro bateko lasterketa egin beharko dute. Dortsalik gabe eta antolakuntzak gidatuta egingo dute korrika. Helduek berriz, bi aukera izango dituzte: 5 kilometroko ibilbidea, edota 7,5 kilometrokoa. Horietarako izena ematea zabalik dago herrikrosaren web orrian, eta
7,5 kilometrokoa edo
5 kilometrokoa aukeratu beharko dute parte hartzaileek. Izena ematea, 10 eurokoa da. Amaitzeko, zumba stretching saioa egingo dute.
Elkartasuna lortzea da helburua, eta horren harira, lagundu bai baina korrika egin nahi ez dutenek, dortsal solidarioak erosteko aukera daukatela jakinarazi dute antolatzaileek.
Lasterketan bildutako diru guztia Juneren Hegoak Elkarteko familiei bideratuko dietela jakinarazi du Mendikutek, eta herritar guztiak deitu ditu parte hartzera, “ez gaitzala beldurtu eguraldiak”.
Ildo beretik mintzatu da Txasko eta elkarteari egiten duen lana eskertuta, errenteriarrak parte hartzera animatu ditu: “Elkarteak egiten duen lana izugarria da, eta benetan merezi du
Juneren Hegoak Elkartearen helburua Gipuzkoako familientzako laguntza sarea sortzea da. Zehazki haurren gaixotasun, heriotza edo dolu esperientzia bizitzen ari diren familiak laguntzeko. Kirola egiten egun paregabea pasatzeko aukera, baita Juneren Hegoak Elkartea laguntzekoa izango da ekainaren 16an, eta horretan parte hartzera deitu dituzte antolatzaileek herritar guztiak.
