HITZA-ko langileak, giza katearekin bat
HITZA-ko langileek bat egin dute iganderako Gure Esku Dago-k deitu duen giza katearekin. Bertara joateko aukera asko daude oraindik.
OARSO BIDASOKO HITZAko langileek bat egin dute iganderako Gure Esku Dago-k deitu duen giza katearekin. Donostia, Bilbo eta Gasteiz batuko dituen giza katean izango dira, eta aldi berean, bertan Oarso Bidasoko herrietako lagunek izan duten parte hartzearen testigantza emateko asmoa du astelehenean zabalduko dituen albiste eta argazki galeriekin.
OARSO BIDASOKO HITZAk jasoko dituen irudiez gain, zuk zurea bidal dezakezu, horrela:
- Posta elektronikoz: oarsobidasoa@hitza.eus helbidearen bitartez.
- Sakelako telefonoz: 678 687 125 telefono zenbakira whatsapp mezuen bitartez.
- Errenteria-Oreretan: Maria Lezo kaleko bulegoan goiz eta arratsaldez gaur (ostirala) eta bihar (larunbata): 11:00-13:00 eta 18:00-20:00.
- Oiartzunen: gaur (ostirala) 18:00etatik 20:00etara plazan (eguraldi txarrarekin Fermiñenen).
- Lezon: gaur arratsalde eta arratsean zehar (ostirala), Tiñelun egingo den pintxo pote berezian jarriko duten postuan.
- Pasaian: Antxon, Aintzane okindegian gaur eta bihar (08:00-14:00) eta Alberto fruta dendan gaur (14:00ak arte eta 17:00-20:00). Bi dendak Azokan daude; San Pedron, gaur (ostirala) 18:00etatik 20:00etara frontoian, eta bihar (larunbata) 12:00etatik 14:00etara frontoian ere.
- Gure Esku Dago-ren webgunearen bidez.
