Ricardo Ugarteren erakusketa Untzi Museoan

Itsasoarekin lotura duten eskulturak eta obra grafikoak ikus daitezke museoko bilduman

olatz mitxelena

2018/06/08

Ugartek, bere bela batekin, Zirizan egin zuen erakusketan.

Untzi Museoak Ricardo Ugarte eskultore pasaitarraren erakusketa zabaldu du. Ricardo Ugarte de Zubiarrain. Itsasbide eskultorikoa lelopean itsasoa ardatz duten lanak bildu dituzte. Aingurak, belak, brankak… eskultore pasaitarraren ezaugarri dira guztiak, itsasoa beti egon delako oso presente bere sortze lanetan. Erakusketa honetan, eskultura eta obra grafikoen bidez, Pasaiako eskultoreak kontakizun bat osatzen du askotariko itsas elementuekin. Metala landu izan du batik bat Ugartek, burdina eta altzairua, eta material horiekin sortutako eskulturak dira nagusi baita ere Untzi Museoko erakusketan. Erakusketa prestatzearekin batera liburu bat ere argitaratu dute, itsasoa gai duten lan guztiak bilduta, eta artistaren kontaketekin lagunduta. Euskal Eskolako kide Ricardo Ugarte 1942an jaio zen Pasai San Pedron. Donostiako Arte eta Lanbide Eskolan ikasi zuen lehenik, eta ondoren Camps akademian. Hainbat arte diziplina landu izan ditu bere ibilbidean, marrazketa, grabatua, argazkilaritza eta poesia tartean, baina haren arte espresio nagusia eskultura abstraktua da. Eskulturaren Euskal Eskolako kide da Ugarte, Jorge Oteizarekin, Eduardo Txillidarekin, Nestor Basterretxearekin eta Remigio Mendibururekin batera. Untzi Museoko erakusketa irailaren 30era bitartean bisita daiteke ondoko ordutegian:

Asteartetik larunbatera: 10-14 / 16-19
Igande eta jai egunetan: 11-14
Udan arratsaldez itxita
Astelehenetan itxita

Tarifak:

Sarrera orokorra: 3,00 euro
Sarrera murriztua: 1,50 euro

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.