Zentzumenen bidearen 3. etapa egingo du Urdaburuk

Irteeran parte hartu nahi dutenek Urdabururen egoitzara jo dezakete astearte eta ostegunetan 19:00etatik 21:30era, edo 943 52 78 79 telefono zenbakira deitu

Ikerne Zarate Gartziarena

Errenteria-Orereta

2018/06/11

GR85aren hirugarren etapa antolatu du Urdaburuk larunbaterako.

Urdaburu Mendizale Elkarteak GR 85 edo Zentzumenen Bidearen hirugarren etapa egingo du hilaren 16an (larunbata). Burgosko Quincoces de Yusotik San Pantaleon de Losara joango dira, eta bidean Robredo eta Perex herrietatik eta Peña Colorada menditik pasako dira. Zeharkaldia, sei ordukoa izango da. Irteeran parte hartu nahi dutenek Urdabururen egoitzara jo dezakete astearte eta ostegunetan 19:00etatik 21:30era, edo 943 52 78 79 telefono zenbakira deitu egun eta ordu beretan. Urdabururen web orriaren bidez ere egin dezakete izen ematea. 07:30an irtengo dira zumardiko autobus geltokitik. Mendiko argazki lehiaketa Urdaburu elkarteak, bestalde, martxan jarriko du Jesus Hospitaler Mendiko Argazki Lehiaketa argazkigintza gustuko duen eta profesionala ez den ororentzat. Kirol ekintza mendian du lehiaketak gaia aurten, eta beraz, mendian eginiko kirol ekintzen argazkiak aurkeztu beharko dituzte parte hartzaileek: mendia, senderismoa, irteerak, eskalada, eskia, espeleologia. Pate hartzaile bakoitzak hiru argazki bidali ditzake gehienez formatu digitalean. Irailaren 18an zabalduko lanak aurkezteko epea, eta urriaren 18an amaituko da. Irabazlea, berriz, azaroaren 15etik aurrera jakinaraziko dute.

GR85-03-perfila

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.