Itsas Mendiren Ibilaldi Neurtua, igandean

Donibanetik irten eta Jaizkibel barrena ibiliko dira partaideak, taldeka

olatz mitxelena

2018/06/13

Aurreko edizio bateko partaideak.

Sanjoanen atariko klasiko bat da, eta asteburu honetan errepikatuko da. Itsas Mendi elkarteak Ibilaldi Neurtuaren XLVIII ekitaldia antolatu du iganderako. Ibilbidea, ohi bezala, Jaizkibel zehar izango da, eta bi aukera izango dituzte parte hartzaileek; ibilbide motza eta luzea. Ibilbide motza egiten dutenek, Jaizkibelgo lehen dorrea bitarte igo beharko dute, eta ibilbide luzearekin animatzen direnek, berriz, antenetaraino igo eta dorreoi guztiak zeharkatu beharko dituzte. Horregatik ere bi irteera ordu zehaztu dituzte, ibilbidearen araberakoak. 08:00etan abiatuko dira plazatik luzea egiten dutenek, eta ordubete beranduago motza egin asmo dutenek. Izena egunean bertan eman bera da, eta antolatzaileek jakinarazi dutenez, partaideek motxilak eta arropa elkartean egoitzan utzi, eta buelta bukatuta plazan jasotzeko aukera izango dute. Han, Santiago plazan bertan izango da sari banaketa ibilaldia bukatuta. Zozketan, bi afari Pari Berrin, bi masaje Irati estetikan, eta hiru bikoteentzako piragua edo stand up paddle-a alokatzeko aukera Donibaneko kiroldegian. Horrez gain, pintxoak banatuko dituzte partaide guztientzat.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.