Aitor Vilariño eta Aiora Irazu garaile Plentzian

Ur lasaietako Euskadiko ibaietako proba irabazi dute

olatz mitxelena

2018/06/14

Aitor Vilariño Santiagotarrak taldeko K-2aren uberan

Aitor Vilariño pasaitarrak irabazi du larunbatean Plentzian jokatu den ur lasaietako Euskadiko ibaietako Kopako 4. proba irekia. Donostia Kayak taldeko palistak irteera bikaina egin zuen eta lehenengo K-2aren uberan jartzeko gai izan zen. Pasaitarraren taldekide Imanol Burguerak gauza bera egitea lortu zuen, gogor saiatuta, eta bi taldekideek aurrera egin zuten Santigotarrak taldeko K-2arekin batera garaipena lortzeko gogor lehiatuz. Azken tartean, baina, Vilariñok soilik eutsi ahal izan zien irundarren erritmo-aldaketei, eta garaipen bikaina lortu zuen pasitarrak, Burgueraren aurretik, 7 segundoko aldearekin. Unai Azkune zumaiarrak osatu zuen podiuma, Vilariñorengandik minutu bat eta lau segundora. Nesketan Aiora Irazu azkarrena

Aiora Irazu erdian piragua gorriarekin, bi palistarekin lehia bizian.

Nesken Kadeteen Mailan, aldiz, Aiora Irauzu oiartzuarrak nagusitasun osoz irabazi zuen proba, minutu batetik gorako aldearekin bigarren sailkatuarekiko. Laura Zunzunegi pasaitarra, aldiz, arazoak izan zituen hondartzako irteeran. Ura sartu zitzaion eta piragua hustu egin behar izan zuen, garaipenerako jokotik kanpo geratuz. Dena dela, postu ugari irabazi zituen azkenean hirugarren bukatzeko. Aipatzekoa ere Gorka Colomo taldekideak Junior Mailan lortutako bigarren postua, Santiagotarrak taldeko Aiur Platero faborito nagusiaren atzetik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.