Asier Lopez eta Julen Izarra Errenteria Musikaleko irakasleak.
Datorren ikasturteari begira eskaintza zabaltzen jarraitzen du Errenteria Musikal Errenteriako Musika eta Dantza Eskolak. Gaur bertan bi ikasgai berri aurkeztu dituzte Jokin Sukunza zuzendariak, eta Julen Izarra eta Asier Lopez irakasleek. Inprobisazioa eta Gaur Egungo Harmonia dira ikasgai berri horiek eta Izarrak emango du lehena, eta Lopezek, bigarrena.
Ikasgai berriek bide bat zabalduko dutela esan du Sukunzak gaur goizean egindako agerraldian, “azken batean partitura batean dagoena irakurri eta jotzeaz gain, ikasgaiak aukera emango die musikariei beraiek beren musika ere egin dezaten, autonomia izaten”.
Gaur egungo harmonia ikasgaiaren barruan melodia bat harmonizatzen ikasiko dute parte hartzaileek, gustuko diren abestiak entzumenez transkribatu eta zuzen zifratzen, norberarentzat zein konboetarako abestiak konposatzen gustuko estiloetan, eta harmonia tradizionalaren eraikuntzaren oinarriak ulertzen. Inprobisazioan, berriz, aurretik idatzia ez dagoen musika sortu eta jotzeko behar diren elementuak menderatzen ikasiko dute. Inprobisazioari hurbilketa izango da zehazki, “beldurra kentzeko aurretik zehatz mehatz idatzi ez dugun zerbait jotzeari, edo zerbait berria jotzeari, bertigoa ematen duen horri beldurra kentzeko. Inprobisazioa helburu gisa jarriko dugu, gero eta sakonagoak, libreagoak, sormen handiagoko inprobisazioak egiteko, baita tresna gisa ere, instrumentua lantzeko”, azaldu du Izarrak.
Musika ezagutza duten pertsonei begirakoak dira bi ikastaroak. Harmonia ostegunetan emango dute 17:00etatik 18:30era; eta inprobisazioa, astelehenetan 18:30etik 20:00etara. Izena emateko epea gaur bertan zabaldu dute Errenteria Musikalen bulegoan, eta taldeak osatu arte zabalik izango da.
Errenteria Musikaleko ikasleen emanaldiak
Bestalde, gaurtik eta hilaren 21a arte hainbat emanaldi eskainiko dituzte Errenteria Musikaleko ikasleek kurtso bukaera dela eta. Horien egutegi eta ordutegi zehatza, hemen kontsulta daiteke.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
