Trafiko baldintzak hobetzeko lanean ari da udala

2.500 inkesta bidaliko ditu beste hainbeste etxeetara, bide sarearen diagnostikoa egin eta proposamenak aurkezteko.

2018/06/15

Herriko trafiko baldintzak hobetzeko azterlana abiatu du udalak.

Trafiko baldintzak hobetu nahi ditu udalak, eta horri begira azterlana abiatu du. Horretarako, 2.500 inkesta bidaliko ditu beste hainbeste etxeetara, bide sarearen diagnostikoa egin eta proposamenak aurkezteko. Inkestak postaz bidaliko ditu udalak, eta formularioarekin batera aurkezpen gutuna helaraziko du. Azken horretan, udala zein lan egiten ari den eta emaitza egokiak lortzeko inkesta erantzuteak duen garrantzia azalduko die bizilagunei. Galderak orokorrak izango direla azaldu du Trafiko departamentuak, eta datuak, anonimoak: “Familia unitatearen ezaugarrien deskribapen orokorra, eta egiten dituzten joan etorrienak, jatorria, helmuga eta zergatia galdetuko ditugu”. Inkesta horien erantzunei esker herri barruko zein kanpoko mugikortasuna eta mugikortasun horrek baldintza sozioekonomikoekin eta egungo garraio sarearekin duen lotura hobeto ezagutu ahal izango dela gaineratu du Trafiko departamentuak. Inkesta erantzuteak, gainera, saria izango du. Izan ere, jasotako inkesta guztien artean 150 euroko bi txartel zozkatuko dituzte herriko saltokietan erosketak egiteko. Alez aurretik eman die eskerrak udalak herritarrei laguntzagatik, eta ahalik eta gehienek parte har dezaten inkestan eskatu du, “emaitzarik onena lortu ahal izateko”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.