Udaleko Bozeramaileen Batzordeak eraso matxista salatu du
Aho batez adierazi dute emakumeenganako indarkeriaren aurkako jarrera.
Pasaiako Udalean talde politiko guztiak bat datoz. Atzo Pasaian gertatutako eraso sexistak ez du tokirik egungo jendartean, eta horregatik publikoki eta aho batez deitoratu dute, bozeramaileen batzordean onartutako adierazpenaren bidez. “Horrelako gertaerak ez ditugu onartzen gure gizartean, eta horregatik, lanean jarraitu behar dugu, emakumeak indarkeria matxistarik gabe bizi gaitezen”, adierazi dute.
24 urteko gizon bat atxilotu zuten atzo Pasaian, bere bikotekidea erasotzea leporatuta. Emakumeak salatu zuen erasoa, etxetik ihes egin eta gero. Eraso egin eta sukaldeko labain batekin hiltzeko mehatxu egin zion. 
