Ordezko aparkalekuak eta trafiko aldaketak San Pedron
Jaietan Arraunlari kalea oinezkoentzat izango da
Festen eraginez aldaketak egongo dira San Pedroko aparkalekuetan eta trafikoan.
Hilaren 28tik aurrera – sanpedroetako lehen eguna- ezin izango da ibilgailuz sartu Arraunlari kalera, San Pedroko kaira, Torreatzera eta Ondartxo pasealekura. Ekitaldiak bukatzen direnean, bertakoak eta zamalanak egin behar dituztenak bakarrik ibili ahal izango dira, zehazki:
- 28an (osteguna) eta 29an (ostirala) Arraunlari kalea itxiko da 17:00etatik aurrera.
- 30ean (larunbata) eta uztailaren 1ean (igandea) Arraunlari kalea itxiko dute egun osoan 10:00etatik aurrera.
Ohartarazi dutenez, ordutegi horiek gutxi-gorabeherakoak dira, eta Udaltzaingoak alda ditzake, trafiko eta segurtasun arrazoiak tarteko.
Hilaren 29tik aurrera, San Pedro Eguna, Esnabidetik aurrera bertakoen eta ezinduen ibilgailuek bakarrik sartu eta aparkatu ahal izango dute; halaber, Nabarra Boua aparkalekuko eremu publikoan eta izotz-lantegiko orubean bertakoek (eta ezinduek) bakarrik aparkatu ahal izango dute.
Bertakoek ez direnek Hospitalilloko kaian aparkatzeko aukera izango dute, Trintxerpen, hilaren 29ko 16:00etatik uztailaren 1eko 18:00ak bitartean.
Arraunlari kaletik gora bizi diren eremu murriztuetako bizilagunei udalak gomendatzen die bere ibilgailuak erabili behar izatekotan, zonaletik kanpo aparkatzeko, egoiliarrentzat propio egokitutako zonaldetan.
Informazio eta larrialdietarako udaltzaingora dei daiteke, 943004300 telefono zenbakira.
