Sutargi Abesbatza, plazara

Sutargi Abesbatza lezoarrak Gurutze Santuaren plazan kontzertua emango du bihar (ostirala) gauean. Musikariak eta dantzaria izango dituzte alboan.

Urko Etxebeste

Lezo

2018/06/21

22:00etan hasiko da Sutargiren emanaldia.

Bihar (ostirala) Lezoko Sutargi Abesbatzak emanaldi berezia egingo du. Areto itxietatik aterako da oraingo honetan, Gurutze Santuaren plazan emango duelako kontzertua koruak. 22:00etan hasiko da, gauez da. Abesbatzak hainbat musikari izango ditu ondoan hamalau kantako egitarauari aurre egiteko. Den-denak, abeslariak eta musikariak, Xanti Espina zuzendariaren gidaritzapean arituko dira. Hala, Patxi Intxaurrandieta izango da pianoan, Ane Espina biolinarekin, Oihan Espinak saxofoia eta klarinetea joko ditu, eta June Compañonek eta Gema Sistiagak perkusioaren atala osatuko dute. Enara Artolak lagunduko ditu denak, dantzan. Honakoa da Sutargikoen interpretatuko duten errepertorioa:

Halleluia (Leonard Cohen).
Agurra (Xabier Jacinto).
Txoriak txori (Mikel Laboa. Moldaketa: M. Bautista).
Amonatxo (herrikoia. Moldaketa: I. Otaño).
Itsasoa gara (Ken Zazpi. Moldaketa: X. Sarasola).
Salve rociera (herrikoia).
Nire herriko neskatxa maite (Benito Lertxundi).
Parte vieja donostiarra (P. Ugalde).
Xalbadorren heriotzean (Xabier Lete).
Sing and sing (herrikoia).
Ilargia (Ken Zazpi. Moldaketa: J. Zeberio).
Arratsalde honetan (Sorotan Bele. Moldaketa: Josu Elberdin).
Shosholoza-Ipharadisi (herrikoia).
Lezoko herri (Tomas Garbizu).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.