[Galeria] Arraitxiki lehiaketa, sari handiekin heldu da

8.355 gramo arrain txiki arrantzatu ditu Arraitxiki txapelketako irabazleak.

2018/06/23

Parte hartzaile guztiak sariekin familia argazkian.

Hasi dira motorrak berotzen San Pedron jaien atarian, eta asteburu oparoa prestatu dute. Goizean goiz hasi dira batzuk, itsasora atera eta ahalik eta arrain txiki gehien harrapatzea zen helburua, arraitxiki txapelketa irabazteko. Hiru ordu eta erdi eman dituzte parte hartu duten 11 taldeek ahalik eta arrain txiki gehien harrapatzen. Sariak guztientzat izan dira, irabazlea, ordea, bakarra: Ameli. Berak harrapatu ditu arrain txiki gehien eta hala erakutsi du baskulak, 8.355 gramo zehazki eta saria ere potoloa izan da, 700 euroko balioa duten hiru kanabera eta mariskada jaso ditu. Aldea atera dio bigarren sailkatu Txaikari. Azken horrek, 5.946 gramo arrain txiki arrantzatu ditu. Saritan, 200 euro eta hiru lagunentzako bazkaria San Pedroko Begihaundi tabernan. Hirugarren, Erke sailkatu da 5.792 gramoko harrapaketarekin. Saria, 100 euro eta hiru lagunentzako bazkaria Begihaundi tabernan. Torreatze Arrantza Klubak eman ditu sariak. Jai giroa nagusi eta eguraldia lagun egin dute sari banaketa eguerdian. Hortik aurrera, parrillada eta edatekoak banatu dituzte. Gauean herri afaria izango da Torrean eta Lamiak dantza taldeak San Joan sua piztuko du. San Joan eguna ere ospatuko dute San Pedron eta horri begira ekitaldi ugari antolatu dituzte biharko. Busti zaitez lasterketa egingo dute 11:00etan haurren eta nerabeen tratu onaren alde frontoian, eta 12:00etatik aurrera, Buztina eta Eskamak futbol partida klasikoak izango dira. herri bazkaria egingo dute ondoren, haurrek Antxetan eta erretiratuek Nabarra Bou plazako karpan. Puzgarrien txanda helduko da 16:0etan eta 19:00etan ur festa. Disko festa ere izango dute haurrek Ertin 20:00etatik aurrera, eta ordu erdi aurretik hain gazte ez direnek, berriz, Kubako doinuak D’ capricho taldearekin. Sailkapena

1. postuan, 8.355 gramorekin, Ameli.
2. postuan, 5.946 gramorekin, Txaika.
3. postuan, 5.792 gramorekin, Erke.
4. postuan, 5.347 gramorekin, Jaixki.
5. postuan, 3.915 gramorekin, Pedri
6. postuan, 3.348 gramorekin, Gomar
7. postuan, 3.233 gramorekin, Abismo
8. postuan, 2.971 gramorekin, Bakailu
9. postuan, 2.431 gramorekin, Kima
10. postuan, 1.880 gramorekin, Padilla.
11. postuan, 330 gramorekin, Itsas jaun

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.