[Galeria] San Joanetan sagardoa erruz

Gaur 19:30ean hasiko dira jaiak, Aizeti del Rio Tamayok eta Eki Gametxo Manzisidorrek txupina botatzen dutenean.

2018/06/23

Rosa Sistiaga eta Miguel Alkarazek zabaldu dute txotxa.

Gaur 19:30ean hasiko dira jaiak, Aizeti del Rio Tamayok eta Eki Gametxo Manzisidorrek txupina botatzen dutenean. Ez dute ordea txupinazora itxoin eta goizean herri triatloia egiten izerdi nahikoa bota dute Xanju Kirol Klubak antolatuta. Arratsaldean, berriz, sagardo Jaiak hartu du lekukoa. Rosa Sistiagak eta Migel Alkarazek zabaldu dute aurtengo txotxa. Biak kulturgintzak urteetan ibiliak eta oraindik ere bertan alea jartzen dutenak. Giro paregabea, eta zintzurra bustitzeko gogoz, erruz ari dira sagardoari txotx, plazan bildutakoak. Ondoren ospatuko dituzte sanjoanetako klasikoak: Konstantzia Musika Bandaren salbea, plazatik elizara (20:45) eta san joan sua. 22:00etatik aurrera hasiko dira dantzatzen Aurreskua suaren bueltan Santiago plazan. Haurren danborrada izango da biharko ekitaldirik nagusia, 12:00etan hasita. Egitaraua Gaur, larunbata

19:30: Txupinazoa eta ikurrinaren igoera Aizeti Del Rio Tamayo eta Eki Gametxo Mancisido-ren eskutik. Jarraian, agurra eta erraldoien dantza.
20:00–21:00: Dantzaldia Santiago plazan DJarekin.
20:45: Konstantzia Bandarekin plazatik elizara. Ondoren, San Juan sua.
22:00: Aurreskua zuhaitzaren inguruan. Ondoren 01:30 arte dantzaldia Santiago plazan DJarekin.

Bihar, igandea, San Joan Eguna

10:00: Diana txistulariekin.
12:00: Haur eta gazteen danborrada Meipitik plazara, danborradako zuzendaria Iker Salaberria Quintans delarik. Ondoren ADI Euskararen batelaARI ekimenaren bukaera ekitaldia.
17:00: Umeen jolasak plazan, buruhandiak eta txokolatada.
19:00: Musika plazan

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.