[GALERIA] Haurrak izan dira San Joan Eguneko protagonistak

Barrutiko lehen festak bukatuta, santiagoak prestatzeko lanean hasiak dira Donibanen.

olatz mitxelena

2018/06/25

Barrutiko txikienak izan dira Donibaneko azken festa eguneko protagonista nagusiak. Atzo, San Joan Eguna, eguerdian danborradan irten ziren haurrak, eta arratsaldean ere haiena izan zen Santiago plaza. Jolasak, buruhandiak, eta txokolate jatea, dena haurrentzako propio prestatuta. Festei amaiera emateko, azkenik, dantzaldia izan zen plazan. Ikus festetako galerian (behealdean) Migel Lujanbioren argazkiak eta san joan suaren bideoa. Eta barrutiko lehen festei amaiera emanda, sanjuandarrak hasiak dira beren jai nagusien antolakuntzan. San Pantaleon Egunean sardina postua jarri nahi dute kuadrillentzat izen-emate epea, esaterako, zabalik dago jada. Uztailaren 10era arteko epea dute kuadrillek udaletxeko erregistro nagusira jo eta han eskaera egiteko. Postua jartzeko eskaeran ondorengo datuak zehaztu behar dira:

Eskatzailea nor den.
Postuaren kokaleku zehatza.
Zer material behar duten.
Zenbat sardina kaxa behar dituzten.
Eta zenbat ikatz zaku.

Izen-ematea epea bukatuta, kuadrillen artean zozketa egingo dute sardina banatuko dituzte bi kuadrillak izendatzeko. Kuadrilla horietako bakoitzak arduradun bana aukeratu beharko du. Jai batzordeak ohartarazi du izena garaiz ematen ez duten kuadrillek ez dutela sardinarik jasoko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.