Josina Goienetxeak irabazi du Itsas Festibaleko argazki lehiaketa
Parte hartu duten lan guztiak Zirizan ikus daitezke hilaren 29ra bitartean.
100 parte hartzailetik gora izan ditu lehiaketak eta 300 argazki baino gehiago jaso dituzte. Hala jakinarazi du Pasaiako Itsas Festibalaren I. Argazki Lehiaketako antolakuntzak.
Lehen saria Josina Goienetxeak jaso du Baietz aurretik sartu izenburuko argazkiarekin. Hermione ontziaren irudi ikusgarria bat da, atzetik Albaolaren Ameriketatik trainerua duela.
Bigarren saria Arantxa Kortajarenarentzat izan da, Fuerza constructiva izeneko argazkiarengatik, eta hirugarren saria En la cuerda floja argazkiarentzat izan da, Fernando Garciak egina. Azkenik, aipamen berezia jaso du zazpi urteko Markel Gardiel argazkilari gazteak aurkeztutako Esperando a pie de puerto argazkiak. 
Lehiaketan parte hartu duten argazkietan jaialdia bitartean izen zen giro paregabea jasotzen dela nabarmendu du antolakuntzak, eta lan guztiak hilaren 29ra bitartean Zirizan ikusgai egongo direla iragarri dute, egunero 19:00etatik 21:00etara.
