Kirol ekitaldiak sanpedroen atariko

Haurren I. Pilota Erakustaldia eta Eskama eta Buztiñen arteko futbol partidak egin dituzte asteburuan, besteak beste.

olatz mitxelena

2018/06/25

Haurren Lehen Pilota Erakustaldia San Pedron.

Ostegunean, San Pedro Egunaren bezperan hasiko dira ofizialki jaiak, baina moreen barrutian festa usaina dago lehengo ostiralaz geroztik. Egun horretan egin zuten frontoian Haurren I. Pilota Erakustaldia, antolatzaileek esan dutenez, “urtean zehar egindako saioei amaiera borobila emanez”. “Kiroltasunean” aritu dira haurrak ikasturtean zehar esku pilotan trebatzen, “euskaraz, eta ongi pasatzeko helburuz” eta festen atarian aukera baliatu dute, herritarrei erakusteko ikasitakoa. Lan txukuna entrenatzaileena.

Pilota erakustaldia, ez da izan, baina, kirol ekitaldi bakarra asteburuan. Herri triatloia lehiatu zen larunbata goizean San Pedron, eta atzo, berriz, Buztinak eta Eskamak futbol partida klasikoak. Dena, hala ere, ez da izan kirola. Haurren eta erretiratuen herri bazkariak, kontzertua Begihandi eta Antxetak antolatuta eta, nola ez, San Joan sua, osatu dute, besteak beste, asteburuko egitaraua. Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.