Ondartxo Abesbatzak botako du gaur sanpedroei hasiera emango dien suziria
18:00etan aterako da haurren danborrada, eta 20:00etan da txupinazoa.
Gaur hasiko dira sanpedroak, 20:00etan, Ondartxo Abesbatzak alkateordetzako balkoitik suziria jaurtitzearekin bat. 35 urte eta gero San Pedroko koruak bukatutzat eman du aurten bere ibilbidea, eta jai batzordeak, jaien hasieran, aitortza egin nahi izan dio abesbatzari.
Jaiak, baina, txupinazoaren aurretik hasiko dira, batez ere, barrutiko txikienentzat. 18:00etan aterako da haurren danborrada, eta 17:30ean buruhandiak. Askaria ere banatuko diete, 17:00etan portuko etxeen arkupetan.
Ongietorria sanpedrotar jaio berriei
Iaz bezala, aurten ere, ongietorria emango diete festen hasieran 2017. urtean jaiotako sanpedrotarrei. 19:30etan hasiko da ekitaldia. Ordu berean I. Film Laburren Lasterketaren emaitza emango dute ezagutzera eta bien bitartean futbito txapelketako finala jokatuko dute frontoian.
Txupinazoan, urtero legez, LGTB kolektiboaren bandera igoko dute alkateordetzara, eta festa giroan bat egingo dute sexu askapenaren nazioarteko egunaren aldarrikapenekin.
Gauean, azkenik, helduen danborrada aterako da eta jaia biribiltzeko Maribingo Festa izango da J2DJak girotuta.
Egitaraua:
Gaur, osteguna:
- 17:00: Haurren merienda portuko etxeetan. ARGAZKIA
- 17:30: Buruhandiak frontoian.
- 18:00: Haurren danborrada portuko etxeetatik. ARGAZKIA!
- 18:30: Futbito finala pilotalekuan.
- 19:30: Ongietorria 2017an jaiotako sanpedrotarrei eta I. Film Laburren lasterketaren emaitza.
- 20:00: Txupinazoa Ondartxo Abesbatzaren eskutik, eta LGTB ikurrinaren igoera.
- 09:00: Diana txistulariekin.
- 12:00: Meza: Licinio Refice.
- 12:30: Haurren Inudeak eta artzainak.
- 17:00: Haurrentzako antzerkia Salbion Kalean otso etxean uso.
- 18:00: Frontenis finalak.
- 18:30: Buruhandi eta erraldoiak.
- 19:00: Saskibaloi finala.
- 19:00: Bote eta igel txapelketa Pelosen.
- 19:30: Goazen Nait Txikia plazan.
- 20:00: Berzosax taldearen kontzertua 3 T’erdi tabernan.
- 23:00: Kontzertuak kaian: Jo ta tiro eta Four Rooms (Veneziar rap taldea). Jarraian Elektronika Gaua Garinboren eskutik.
