[Galeria] Pentsio duinen aldarriak hartu ditu kaleak

Ikasturteko azken mobilizazioa izan dute gaurkoa, eta udako atsedenaldiaren ostean, urrian egingo du Duintasunak lehen elkarretaratzea.

Ikerne Zarate Gartziarena

Errenteria-Orereta

2018/07/02

Pentsio duinen aldeko aldarria kalera atera dute beste behin ere.

Duintasunak hileko lehen asteleheneko elkarretaratze eta manifestazioa egin ditu 1.080 euroko pentsio duinak eskatzeko. Ez da eskakizun bakarra izan , osasungintzan eta irakaskuntzan murrizketarik ez egitea, botiken kopagoa ezabatzea, %0,25eko igoera bertan behera utzi eta KPIa berreskuratzea, jasangarritasun faktoreari uko egitea, eta babes eta Gizarte Segurantza Sistema propio eta publikoa abiatzea ere eskatu dute gaur bildu diren hamarnaka eta hamarnaka lagunek. Ikasturteko azken mobilizazioa izan dute gaurkoa, eta udako atsedenaldiaren ostean, urrian egingo du Duintasunak lehen elkarretaratzea. Manifestazioa amaituta, adinekoen kontseilua sortuko dutela Oarsoaldean jakinarazi du elkarteak, eta horretan jubilatu eta pentsiodunek parte hartzeak berebiziko garrantzia duela nabarmendu dute, “beraz, bat egitera deitzen ditugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.