[Bideoa] Erosketa kolektibo bat kontzientzia pizteko
Plastikozko Poltsarik Gabeko Egunean ekintza sinbolikoa egin dute gehiegizko erabilpena gaitzesteko.
Erabilera bakarreko plastikozko poltsek ingurumenean eragiten duten kalteen gainean kontzientzia pizteko Plastikozko Poltsarik Gabeko Eguna ospatzen da gaur nazioartean eta data baliatuz gairekin kezka duen pertsona talde bat elkartu eta ekintza bat antolatu du Donostiako denda baten atarian Plis Plastik Barik izenburupean. Ekintzaileen artean da Mater Museoko zuzendari Izaskun Suberbiola.
Erosketa kolektiboa egin dute, ondoren, dendaren kanpoaldean produktuek duten gehiegizko plastikoa agerian uzteko. Ekintzaren antolatzaileek azaldu dutenez, ekintza sinbolikoki honen bitartez, plastikozko poltsek alternatiba badutela agerian utzi nahi izan dute eta ehunezko poltsak, paperezkoak, edota orgatxoak lehenesteko eskatu dute.
Modu berean, erosketak egitean, plastikoan bilduta ez dauden produktuen aldeko hautua egiteko eskatu diete kontsumitzaileei.
