[Bideoa] Orain bai... iritsi dira sanferminak

Txupinazoarekin hasi da bost eguneko zoramen zuri-gorria

olatz mitxelena

2018/07/04

Ateri eutsi dio txupinazoan eta zumardian jendetza pilatu da.

Hasi dira herriko jaiak eta antxotarrak ez daude denbora galtzeko prest. Lehen unetik bildu dira festara, gogotsu, egun osoan mehatxuka aritu diren trumoi hots beldurgarriei entzungor. Festa gogoa zapuztuko duenik ez da, eta marea zuri-gorria kalean da. Igandera bitartean, eta aurten Moliñomari lamiaren izpiritu askea lagun (TOPAguneak sortu du pertsonaia eta Koldo Izagirrek kondairaren testua), kaleak hartuko dituzte antxotarrek, festaz gozatzeko, nahi eran, elkarri zainduz, zirikatuz eta ospatuz. Non galdu ez da faltako. Igandera bitartean hamaika ekitaldi antolatu ditu jai batzordeak, herriko elkarte, merkatari, ostalari eta norbanako askoren laguntzarekin. Festa hasi besterik ez da egin eta luze joko du. Gozatu. Festen hasierako irudi galeriak, bihartik aurrera, HITZAn. Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.