[Galeria] Gazte eta ez hain gazteak, sanferminak, Antxon, guztientzat

Gaur, Antxoko sanferminetan, Gazte Eguna eta Euskal Jaia

olatz mitxelena

2018/07/06

Gazteak zumardian, eta ez hain gazteak Biteri plazan. Antxoko sanferminetan, gaur Gazte Eguna eta Euskal Jaia ospatzen dira, eta igarri da kalean eguerdiaz geroztik. Herri bazkaritan bildu dira adin guztietako antxotarrak, eta kuadrillak, jolasetan aritu dira, eguerdian Biteri plazan, eta arratsaldean zumardian. Elektrotxaranga banaren laguntzaz biribilduko dute festa batzuk zein besteek. Bien bitartean, Ibaiondoko skate pistan itzulipurdi ikusgarriak ikusi ahal izan dira egun oson zehar Kampsakoek antolatutako patin eta skate txapelketan. Gauean, Tarantella Gauen beteranoen danborrada irtengo da eta zumardiko oholtzan Tarantella orkestrak dantzazaleak bilduko ditu. Ihes Fest itxita DJak kalean zehar ariko da, TOPAguneak antolatuta, eta Karlos DJ eta Sagarz DJ azokan. San Fermin bezperan, ordu txikiak arte luzatuko da festa, eta gautxorienek, biharko 07:00etako bigantxak dituzte aukeran. Bihar, boxeoa Bihar, San Fermin eguneko klasikoak ez ezik, oso bestelako aukerak ere badira, bihar, tartean, Ibaiondoko Boxeo Rakustaldia. Paco Buenok antolatuta boxeolari amateurren zortzi borroka ikusteko aukera izango da, 3 minutuko hiru erasotan. Egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.