OzZinema zineklubak kalera aterako du zinema aurtengo udan ere.
Paddington 2 izango da emango duten lehen filma udako zikloaren barruan.
OzZinema zineklubak kalera aterako du zinema aurtengo udan ere.
OzZinema Summer programak aurreko urteetan izan duen arrakasta nabarmendu du zineklubak eta aurtengo udari begira eskaintza zabala prestatu du. Helburua, familia osarentzat alternatiba dibertigarria eskaintzea. Programak, gainera, izaera ibiltaria izango du, eta hori dela–eta, auzo ezberdinetara helduko da: Erdigunea, Beraun eta Gabierrotara, zehazki.
lau film fresko, dibertigarri eta telebistan eman gabekoak aukeratu ditu OzZinemak eskaintza osatzeko. Euskarazko zinemaren aldeko apustua egin dutela erantsi du zineklubak, eta emango duten lehen filma euskara z bikoiztutakoa izango da. Filmak honakoak:
Paddington 2,
La liga de la justicia,
Coco, eta
Jumanji. Bienvenidos a la jungla.
Izarpean programatu ditu OzZinemak filme guztiak, baina eguraldiak lagunduko ez balu ordezko eremua ere bilatu du, Koldo Mitxelena ikastetxeko jolastoki estalia.
Krispetak prestatu, zinemaz gozatzeko unea heldu da–eta
Emanaldiak
- Hilaren 13a, ostirala: Paddington 2 filma, Koldo Mitxelena plazan, 22:00etan (Euskaraz).
- Hilaren 27a, ostirala: La liga de la justicia, Pablo Sorozabal plazan, 22:00etan.
- Abuztuaren 10a, ostirala: Coco filma, Musika plazan, 22:00etan.
- Abuztuaren 24a, ostirala: Jumanji. Bienvenidos a la jungla, Gabierrotan, 22:00etan.
