Txupina prest dute Gabierrotan

Ostiraletik igandera 35 ekintza antolatu ditu jai batzordeak, haur, gazte zein helduen gozamenerako.

2018/07/10

Aurten ere, buruhandiek bizkarrak berotuko dituzte

Auzoetako jaien lekukoa eskuz esku dabil. Oraingoan, Gabierrotari heldu zaio txanda eta ostiraletik igandera 35 ekintza antolatu ditu jai batzordeak, haur, gazte zein helduen gozamenerako. Jai batzordeak prestatu duen egitarauarekin alaitasun eta ilusioz bete nahi ditu auzoko kaleak, eta aipamen berezia egin die auzokide, laguntzaile baita iragarleei ere, “zuek gabe ezinezkoa litzatekeelako jaiak antolatzea”. Gozatzera deitu dituzte auzotarrak, “guztionganako errespetua erakutsita”, bestalde. Txupitxikiak emango die jaiei hasiera goizeko hamaiketan, eta Gabierrotako Laguntasuna Auzo Elkarteak leku berezia izango du aurtengo jaietan mende erdia bete duelako. Jolasak, musika, tailerrak, buruhandiak, kirola, danborrada eta zezen suzkoa ere ez dira faltako. Egitarua Hilak 13, ostirala

10:00: Txupitxiki eta jaien hasiera.
11:00: Haurrentzako jolasak: petanka, harri jasotzea, eta plater tiroketa.
16:30: Aparraren festa Nafarroa parkean.
17:00: Defentsa pertsonal tailerra eta erakusketa Kenthay gimnasioaren eskutik piramidean.
18:00: Haurrentzako askaria, piramidean.
18:30: Haurrentzako diskoteka.
20:00: Txupinathon. Agintarien harrera Kilkerband txarangak lagunduta. Laguntasuna Auzo elkarteari omenaldia 50. urteurrena dela–eta.
21:00: Ekitaldi gastronomikoa Bi errota elkarteak antolatuta eta zerbitzatua.
23:00: Musika emanaldia, Tritones eta Cansadows, Gabierrota pasealekuan.

Hilak 14, larunbata

10:00: Buruhandiak.
10:30: 3X3 txapelketa Piramidean.
11:00: Haur jolasak Nafarroa parkean.
13:00: Bermut musikala, Kilkerbandek girotuta.
14:30: Paella jatea piramidean.
17:00: Aparraren festa eta buruhandiak.
17:00: Futbol txapelketa Tejada tabernan.
18:00: Pertsonaia infantilen desfilea.
19:30: Tsunami orkestraren emanaldia.
22:00: Oilar borroka, piramidean.
00:00: Zezen suzkoa.
00:15: SNKT eta Trikuharri taldeen emanaldia piramidean.
00:30: Diskoteka.

Hilak 15, igandea

07:00: Diana
11:00: Iker Gomez eta Triki taldea.
11:00: Toka eta bote txapelketa.
11:45: Harrera Errenteriako herriari eta agintari nagusiei.
12:00: Haurren danborrada.
14:15: herri bazkaria Nafarroa parkean.
17:00: Munduko XXVIII. mus txapelketa Juantxo Fdez. de Gorostiza memoriala.
17:30: Animazio ikuskizuna Disney pertsonaiekin.
19:30: Animazio dantzaldia eta jarraian, azken traka.
21:00: Gabierrotako futbol txapelketaren finala.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.