Ur lasaietan ere bizi

Itsasoan ez ezik ibaiean ere aritu da Pasaia Kayak taldea. Euskadiko Ibaietako Kopako azken bi probak izan dira eta emaitza aipagarriak lortu dituzte.

Ainhoa Mariezkurrena

Pasaia

2018/07/11

Aitor Vilariño Bidasoko ur-laster bat zeharkatzen.

Ur bizi zein lasaietan emaitza aipagarriak lortzen ditu Pasaia Kayak eta Donostia Kayak taldeak. Euskadiko Ibaietako Kopako azken bi probak izan dira asteburuan, Irunen eta Zumaian. Bidasoa zein Urolako uretan aritu ziren larunbata eta igandean eta bietan izan zen garaile Aitor Vilariño pasaitarra, senior kategorian. Larunbatean, Bidasoko nazioarteko jaitsieran, hasieratik hartu zuen aurrea eta 5 eta 13 segundo atera zizkien Oihan Sayar bigarrenari eta Ibon Huarte hirugarrenari. Igandean, Urola ibaiaren igoera-jaitsieran 28 segundoko tartea atera zion bigarrenari eta K-2 olatua hartu ahal izan zuen K-1 bakarra izan zen. Bestalde, Aiora Irazu oiartzuar kadeteak junior kategorian parte hartu zuen eta bigarren geratu zen. Igandean ere bigarren postuari eutsi zion Tania Prolenen atzetik eta taldekide duen Amaia Benaventeren aurretik. Laura Zunzunegi pasaitarrak ere bigarren izatea lortu zuen kadeteen kategorian, bai larunbata eta baita igandean ere. Garaipenetik oso hurbil geratu zen. Haur mailan ere, K-2an, bigarren postuak nagusi: Eider Irazuketa eta Maddi Tarragona errenteriarrek eskuratu zituzten.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.