Landarbaso abesbatzaren ahotsek beteko dute basilika
Igandean izango da kontzertua Maria Magdalenaren Lagunak Kultur Elkarteak antolatuta, eta 19:30ean hasiko da.
Landarbaso Abesbatzak urteroko emanaldia egingo du asteburuan Madalenaren Basilikan. Igandean izango da kontzertua Maria Magdalenaren Lagunak Kultur Elkarteak antolatuta, eta 19:30ean hasiko da. Jose Luis Insaustik, Maria Magdalenaren Lagunak Kultur Elkartearen lehendakariak kontzertua “berezia” eta “bakarra” dela eta errenteriarrek “maitasunez eta hunkituta” hartzen dutela. Elkarteak gainera aitortza egingo die kontzertu horren barruan, Maria Magdalena basilikatik Andre Maria Jasokundearen elizara eta jaiak amaitzearekin batera atzera ere basilikara eramaten duten Joxe Otaegi, Felix Sanchez, Jesus Mari Navarro eta Miguel Navarrori, ” hamabost urtetik gora daramate lan hori egiten hilaren 22iko eta 25eko prozesioetan”.
Ondareari ere egin dio erreferentzia Insaustik: “Altxor handia dugu, ondare garrantzitsua, ez ekonomikoa, baina bai historikoa, sentimentala eta erlijiosoa. Sentsibilitate berezia dute errenteriarrek gaiarekiko, eta gure herriko patroia den Maria Madalenaren eguna hurbiltzen ari den data berezi hauetan, urte osoan bezala, ondare hori babesteko eta mantentzeko konpromisoa berretsi nahi dugu elkartetik”. 
